ازاى اطلع منحة فى 2018



كتير اوووى من الطلاب بيبقى حلمهم الدراسة بالخارج عشان يقدر انه يحصل اعلى شهادات مرموقة من الجامعات الدولية بس أغلب الطلاب الى ينحدرون الى عائلات ثرية تكاليف السفر والدراسة مبتمثلى قدامهم عائق فى مقابل بعض العائلات الى بتضطر انها تاخد قرض عشان تقدر تحصل على فرصة للسفر وساعات كمان مش بيكون بدوام كلى ويكون جزئى 
فيكون امن خيار هو الحصول على منحة دراسية وبغض النظر عن الدعم المادي الى تقديمه عادة للطلاب المقبولين فى المنح الدراسية بس فى الحقيقة من اهم مميزاتها فى فرص الالتحاق بالوظائف العالية و أصحاب الوظائف والشركات بيفضلوا الطلاب الى حصلوا على منحة دراسية فى جامعات معيّنة وده لان الطالب المقبول فى المنحة الدراسية استطاع انه يحقق شروطها وده طبعا بينعكس فى عمله وشغله 

من الحجات المهمة اللي لازم تعملها علشان تحصل على منحة، إنك تقدم مجموعة أوراق تبينلهم إنك مستوفي شروط المنحة دي علشان تزود من فرص قبولك فيها.
فأنا حبيت أجمع كل الأوراق اللي هتحتاجها وأنت بتقدم على أي منحة

1- خطابات التوصية. 
عبارة عن جواب بيتكتب من دكتور أو اتنين عندك في الكلية بيبين فيه إنك مستحق للمنحة دي وبيرشحك ليها، ناس كتير بتطنش الخطوة دي رغم إنها مهمة جدا، ولو مش في كلية، ممكن مدرس الثانوي هو اللي يكتب الخطاب. 

2- الأيلتس أو التوفل.
اختبار اللغة الإنجليزية الشهير الأيلتس ليه دور كبير جدا في قبولك في المنحة، لأنه بيبينلهم وبكل وضوح إنك شخص قادر تتواصل وتدرس باللغة الإنجليزية في المكان اللي هتروح فيه. الاختبار مش صعب ومش مستحيل

3- شهادات التقدير.
احتفظ بأي شهادة تقدير حصلت عليها طوال الدراسة أو في أي مجال بعيد عن الدراسة زي الرياضة، وقدمهم مع المنح اللي بتطلب ده، لأنها بتزود فرص قبولك.

4- جواز السفر.
لو معملتش جواز السفر اعمله دلوقتي لأنك هتحتاجه في أي وقت وبعض المنح بتطلب صورة منه تبعتهالهم علشان يتأكدوا إنك قادر تسافر للبلد دي



5- الدور الريادي والمجتمعي.
كتير من الناس بيشوفوا الكلمة دي ويتخضوا، دي مش معناها إنك تكون قائد في حزب سياسي مثلا، لكن معناها ببساطة عمل أو نشاط مجتمعي قمت بيه، كارنيه جمعية رسالة، مشروع تبع صناع الحياة، عضو في اتحاد الطلبة في المدرسة أو الكلية، كشافة، وهكذا، قدملهم أي حاجة معاك تثبت إنك شخص اجتماعي شاركت في المجتمع.

طايب أنا قرأت كل ده ومش لاقي منحة أقدم عليها؟ ده تقرير شامل فيه كل المنح الجديدة لسنة2018....https://goo.gl/2ibbxq




مواضيع ذات صلة
مقالات مفيده