الfreelancer هو الحل



كتير مننا بسال عن العمل الحر(الفرى لانس)...

احنا هنكلمك عنه ....وإزاى تقدر تستفيد منه فى مجموعة من الخطوات..


1- الفري لانسر هو العمل الحر عبر الإنترنت، عمل غير مرتبط بمؤهل معين، ولا مكان معين، بتعمله من بيتكم أو من المكتب أو من أي مكان تاني. وبتاخد مقابل مادي أحيانًا بالدولار وأحيانًا بالعملة المحلية مقابل شغلك ده.
أول وأهم خطوة لازم تعرفها عن العمل الحر إنه لابد أن يكون لديك شيء لتعطيه. لازم تتعلم مهارة، لازم يكون عندك موهبة تسوقها، كتابة أو ترجمة أو تصميم أو صور، مفيش حاجة من الهوا أو من اللا شيء.
2- لو معندكش مهارة تعمل إيه؟
هنا هتبدأ تتعلم لحد ما تكتسب المهارة دي ، خش على كورسيرا ورواق وإدراك، هتلاقي عندهم كورسات فوتوشوب وماركتينج وترجمة وكتابة وتصوير وكل حاجة. وده أهم شيء في العمل الحر، اتعلم مهارة معينة وقدمها للناس.
كتابة_ترجمة_تصميم_ماركتينج_ برمجة_ .... إلخ 


3- خش على موقع خمسات وموقع مستقل باللغة العربية وهتلاقي نماذج كتير توضحلك العمل الحر أو موقع freelancer ، وابحث في جوجل هتاخد فكرة أكبر. 
4-لو معنديش أي مهارة، ابدأ خد كورسات ترجمة من اليوتيوب مجانية من أكاديمية الدارين، وأكتب مقالات بشكل تطوعي،
فلو عندك مهارة مثًلا في كتابة مقالات وإنشاء محتوى ممكن تبعت للمواقع زي أراجيك، و ساسة بوست، وبعد فترة لو كتاباتك مميزة بيضموك لفريق العمل، وبمقابل مادي بالطبع.
أو ممكن تتطوع مجانًا في موقع منهم وتكوّن بروفايل كويس تقدم بيه عند مواقع تانية بيطلبوا كُتاب بشكل مستمر. يعني في كلا الحالتين هتستفاد. 
دي قصة الفريلانسر باختصار، شيء ممتع وجميل لكن تذكر أول قاعدة، لازم تتعلم مهارة حتى لو هتاخد منك وقت كبير وبعدين تعرضها وتقدمها للناس.
حابب أفكركم إن العمل الحر هو مستقبل الأعمال في العالم ده، فابدأ بجدية وتعلم ومتستعجلش النتائج.

 




مواضيع ذات صلة
مقالات مفيده