اخطاء الانترفيو الى ممكن تخليك تترفض من اول كام دقيقه



ن اكتر الاخطاء الى ممكن تقع فيها فى اى انترفيو
انك توصل للى قدامك انك برنس فى ال Technical Skills فقط 
ومش فارق معاك ال Communication Skills
طب يعنى اى الكلام الى كله llll mmm كتير دا !
يعنى لو مثلا مقدم على وظيفة مبرمج 
متفضلش طول الانترفيو عمال تقنع ال HR انك عالمى فى ال Coding
وعالمى فى ال problem Solving ومحصلتش فى خبرتك فى المجال 
كل دا جميل بس متخلهوش ياخد اكتر من 40% من وقتك مع ال HR
ليه بقى ؟ لان اى شركة محترمه بتركز على 3 حاجات 
1- ابداعك 


2- خبرتك 
3- تواصلك مع الى حوليك 
1- الابداع دى ممكن عن طريق مواقف تحكيها بشكل غير مباشر او بطريقة ترتيب كلامك 
هتحسسه فعلا انك شخص مبدع مش شخص روتين بتكرر نفس الحاجة 
2- الخبرة : ودى لازم تبنيها بنفسك انك اتعملت مع ناس كتيره عملت علاقات فى كذا مكان 
لما يقولك اسم شركة مثلا تقوله اها شغالين فى مجال كذا وكذا مهندس مصطفى 
ال HR هناك اعرفه اشتغلنا سواه فى بروجكت كان خاص ب system لمسشتفى 
طبعا مش هتكون بتكدب لا انت فعلا لازم تبنى شبكة علاقات قوية 
ودى هتجبلك شغل كتير جدا الى هو بالتليفون تقدر فى لحظة تجيب فرص ليك 
3- التواصل مع الى حوليك من النقط المهمه جدا فوق ما تتخيل
انك شخص بيعرف يتبسم مش شخص غلاوى مش شخص حقود 
بتعرف ت handle الدنيا لو بايظة بينك وبين زمايلك فى الشغل
عندك روح القيادة ممكن تيجى على نفسك شوية مش بتتعصب بسرعه 
عندك رؤية مستقبليه لمستواك ومستوى الناس الى حوليك 
واخيرا الهيئة و الكارزما الخارجيه مهمه جدا 
مينفعش تبقى قاعد كاشش كده فى الانترفيو و مقلق ولا تبقى قاعد متكبر 
ظبط نفسك الراجل دا hr ولا هياكلك ولا حاجه بل هو الى قاعد خايف لحسن 
يقبلك وتطلع انت مش اد المسؤلية فساعتها الشركة هتحاسبه هو 
فهو خايف اكتر منك او بلاش نتكلم على الخواف دا وظيفة يا جماعه
مش نهاية العالم يعنى ^^ فانت اقعد كده مالى مركزك واثق فى نفسك مبتسم هادى 
بترد بتلقائى جدا نظام تفضل تبص فى السقف وانت بتفكر دا بلاش منه 
هيعرف انك شخص مصطنع 
جرب تمشى على ال Steps دى المرة القادمه ليك فى اى انترفيو
وان شاء الله هيفرقوا معاك جدا 
كتابة : Mohammed Hamdy




مواضيع ذات صلة
مقالات مفيده