ازاى تتقبل فى الانترفيو



تعرف ان ممكن يكون عندك مهارات كتيرة جدا وممتازه 
لكن علشان مش بتعرف تعرض نفسك كويس سواء فى المجتمع او فى الانترفيو 


دا بيخليك متنجحش ^^ فى البوست دا هتكلم عن اهم النقاط الى هتقبلها فى الانترفيو
خصوصا الانترفيو الخاص بمجال البرمجة و الكمبيوتر 
---------------------------------------------------
الانترفيو غالبا بيكون فيه 4 مراحل اساسيه بتزيد وبتقل من شركة لشركة 
1- المرحلة النفسيه و السلوكيه :
ودى بيفهم طبيعية شخصيتك هل انت شخص بيتعصب بسرعه ولا شخص هادى وبارد
ولا شخص بتكره ان حد يتحكم فيك ولا شخص ممكن يستحمل التاسكات ويوفر وقت 
ولا شخص بيحب ينمى نفسه و المكان الى موجود فيه ولا انانى 
كل الكلام دا بيكون فى المرحلة دى وخلى بالك ال HR الى قاعد قدامك مش واحد عبيط 
يعنى لو انت فيك صفه مش كويسه غيرها افضل لكن متعملش نفسك انها مش فيك ;) 
والمرحلة دى مهمه جدا جدا لان اى شركة بيهمها شخصيتك جدا وتعاملك مع العملاء
ولو عندك مهارات الادارة اظهرها بقوة لان ال HR بيحب ديما الشخص القيادى 
الى ممكن فى يوم من الايام يمسك Team Leader او Project manager 
2- المرحلة ال Technical : ودى على حسب انت مقدم فى شركة حجمها اد اى 
الشركات بتركز على حاجتين على Tools + science 
ال Tools زى معرفتك ل لغات البرمجة و انظمة التشغيل و استخدامك ليهم بشكل كويس زى الاندرويد و ال ios وما الى ذلك 
اما ال Science هو معرفتك لمبادئ الالجورزمات و ال Data structure وهكذا
بس اغلب الشركات الى ممكن تبدء فيها لو انت مستواك لسا فى البداية
مش هيركز معاك اوى فى ال Science لانهم اساسا مش بيشتغلوا به 
اما لو بتقدم على شركة زى ميكروسوفت وجوجل و الحاجات دى لآ الموضوع يختلف
تركزهم الاول و الاخير فى " اغلب " وظائفهم بيكون على ال Science 
يديك مثلا مسئلة ويقولك طلع ليها 3 حلول وتقعد تفكر وتحل على ورقة وقلم بدون كود
والمرحلة دى لازم تعرف انت رايح لشركة حجمها اد اى وتحضر على اساسه 
3- معرفتك ب الشركة ودا جزء مهم جدا خصوصا لو شركة موجودة من زمان
مينفعش مثلا تكون رايح تقدم لشركة متخصصه فى بناء سيستم الفنادق
وانت محضر نفسك ك ويب ديفلوبر وهما شغالين اوركل اساسا :D 
فلازم تعرف الشركة متخصصه فى اى وبدئت امتى ومين الرئيس بتاعها 
وسياسة الشركة ماشيه ازاى الحاجات دى كلها بتخلى ال HR يحس انك شخص كويس
4- انك تسوق لنفسك قدامه وكل كلمة تحاول تخليها فى صلحك 
واكيد هيسألك على عيوبك مفيش مشكلة تقول عيوب وتحولها للميزات فى نظره 
مثال : انا مش بحب اشتغل فى تيم ودا كان عيب فيا لكن بدئت اصلح العيب دا 
لانى حسيت ان لما يكون فى كذا فكرة وكذا حد بينفذ حاجة واحده الافكار بتكون اكتر 
والانسان بيحس بقوة اكتر عكس ما يكون هو لوحده شغال فى تاسك معينه 
فانت كده اديته عيب ونفس الوقت قولت له انك بتلعب على تصليح العيب دا 
تسويق نفسك دى اهم نقطة ممكن تتقبل بسببها او تترفض ونفس الوقت تحاول تكون بتهزر هزار بسيط لان ال HR بيكره الشخص الى قافش الى داخل جد 
اوعى تفكر انك علشان ممتاز فى علم معين ال HR هيجرى وراك وانت شخص كئيب
لآ اى شركة بتحب ديما الموظفين بتاعها يكون مرحيين وبيحبوا الهزار بس مش اوفر ^^
خليك متابع البوستات الى جايه وهنكمل فيه الانترفيو و اسئلته 
خصوصا الجزء الخاص بالاسئلة الابداعيه ازاى تجاوب عليها 
 




مواضيع ذات صلة
مقالات مفيده