اضافات جوجل كروم



دول اضافات لجوجل كروم يساعدوك فى حاجات كتير وهم اضافات بسيطة وحجمهم صغير بتحملهم من جوجل ويب ستور وبيتيحوا لك خدمات كتير مفيدة..
______
اول اضافة هى الـ Care Your Eyes
بتسمحلك انك تحول اي موقع صفحته بيضاء مزعجة الى اللون الاسود حتى لو كان الفيسبوك..
الهدف منها ان اللون الابيض في بعض المواقع بيكون عامل اضاءة عالية ممكن تزعج عينيك وبالتالي تقدر تغير اللون بتاع الموقع الى لون غامق مظلم يريح عينك وفي اي وقت تقدر ترجع اللون الطبيعي تاني.. وتلاقيها فى اللينك ده :
https://goo.gl/BS8KHC
__________________
تانى اضافة هى الـ Ad block
لا غنى عنها طبعا ودى بتمنع الاعلانات المزعجة الكتير على جميع المواقع زى اليوتيوب وكمان بيمنع الصفحات المنبثقة اللي بتفتح فجأة لما تدخل على بعض المواقع..
وتلاقيها فى اللينك ده :
https://goo.gl/ES2EVx
__________________
تالت اضافة هى الـ Download FB Albums 
بتساعدك بضغطة واحدة انك تحمل اى البوم صور على الفيسبوك من غير ما تقعد تفتح كل صورة وتحفظها بشكل ممل.. وتلاقيها فى اللينك ده :
https://goo.gl/7onI9
__________________
رابع اضافة هى الـ Marker 
ودي بتسمحلك انك تعلم او تحدد اي كلمات او جمل في اي صفحة باللون الأصفر المميز او بأي لون تاني زي الماركر اللي بنستعمله أثناء المذاكرة..بتسهل عليك قراءة المقالات وتحديد المهم فيها..
وتلاقيها فى اللينك ده :
https://goo.gl/zcdH2
__________________
خامس اضافة هي الـ Image Downloader
بتساعدك فى تحميل أى صور على موقع دفعة واحدة وكمان بعض المواقع بتكون صورها محمية وممنوع تنزلها فبالاضافة دى ضغطة واحدة بتقوم محملهم.. 
وتلاقيها فى اللينك ده :
https://goo.gl/QqfWZ
__________________
سادس اضافة هى الـ Full Page Screen Capture 
بضغطة واحدة بتقوم واخدة سكرين شوت لكل الصفحة " مهما كان طولها "..
السكرين شوت العادية بتاخد صورة الصفحة المعروضة فقط, لذلك لو صفحة او بوست طويل قوي عالفيس مثلا او مقالة طويلة مش هتقدر تحفظها كسكرين شوت الا على مراحل عشان حجم الشاشة..
لذلك الاضافة دى بتاخد الصفحة كلها او البوست كله بالكاااااامل..
وتلاقيها فى اللينك ده :
https://goo.gl/eUSSY
__________________
سابع اضافة هى Save as PDF
بتساعدك تحفظ وتخزن الصفحة اللي انت فاتحها ككتاب pdf يعني مثلا لو مقالة طويلة ممكن تخزن صفحتها عندك على هيئة كتاب صغير تلف فيه براحتك في اي وقت بدل ما تحفظ الصفحة نفسها بشكل ممل.. وتلاقيها فى اللينك ده :
https://goo.gl/NPIvk
__________________
ثامن اضافة هى الـ Google Shortener 
بضغطة واحدة بتعملك لينك مختصر للصفحة بدل اللينك الطويل بتاعها..ودى بنستعملها في البوست ده زي ما أنت ملاحظ.. وتلاقيها فى اللينك ده :
https://goo.gl/ygGS6
__________________


الاضافة ماقبل الاخيرة هي طبعا الـ Google Translate 
ودي بضغطة واحدة تفتحلك ترجمة جوجل او تترجملك صفحة بأكملها من الانجليزي للعربي لكن في بعض الاحيان بتكون ترجمة مش دقيقة يعني ركز برضه..
https://goo.gl/MGPBw
__________________
آخر اضافة هى Avira Browser Safety 
ودي بتريحك كتير من الصفحات المقرصنة او اللي عليها فيروسات ولو جيت تدخل على صفحة غير آمنة بتنبهك قبل ما تفتحها يعني من الاخر امان مريح بأضافة بسيطة..
وتلاقيها فى اللينك ده :
https://goo.gl/vLDY9D
__________________
By : Mahmoud El-Samany




مواضيع ذات صلة
مقالات مفيده